*** Index du Forum ***

Tozongiseli bino merci ndenge boye ebele kokota na ndako ya Nzambe na mokolo moye mua le 22 mars 1990. Ya solo… tokomimonaka tozali kaka bato lokola bino. Soki bozali kobenga ngai Nzambe… Nakozalaka na kobanga ebele. Pona nini nabangaka ? Nazali na mosuni, mosuni muango boyokani bokozalaka na molimo te. Nasi nalimbolela bino likambo yango mbala na mbala. Molimo alingaka makambo ya likolo, mosuni akolingaka makambo oyo etali mabele. Alors, soki bobengi ngai Nzambe, nakozalaka na yango fier te. Pamba te, il suffit que ngai nazala na faiblesse moko, banda tango wana ekomi na bino mua mitelengano. Bobanda koyimayima : Kasi ye Nzambe te! Soki nazui maladie, ye Nzambe ndenge nini abela? Soki naza kolia, ye Nzambe ndenge nini azali kolia? Tozali bato, mais soki tokoti en profondeur, tomoni ete makambo mazali esika wana.

Ba tata na ba mama, mokumba epesi yo Nzambe ezali mokumba moko nde malamu tokomisa yango esika ya eleka. Tozali kokende. Ndenge nazalaki kotala baninga kuna na Namibie, solo lobi bazuaki bonsomi. Nabotali bango malamu nde makambo manso ndenge bazalaki nango na histoire esalema. Pamba te soki yango esalemi te, koyimayima ekobanda. Ndenge nini oyo, tango tozalaki na bato wana tozalaki kolia boye. Tango tozalaki na bato wana, tozalaki kozala boye. Koyimayima wana na miso ma Nzambe makozalaka malamu te. Alors na tina yango, bango batambolisi malamu nde bazala na makanisi ya kitoko. Soko bakozala esika moko na Tata, Nkolo Yesu na Molimo mosantu, ekozala na esengo. Kasi soki basali ndenge mosusu mpasi ekoya. Pamba te mikili nioso tozui bonsomi na bobandeli bato bakozalaka n’esengo, kasi soki bamoni ete makambo mabebi ekomi na bango pasi, koyimayima. Na bisika oyo tozui indépendance, nakanisi tovandi mua mikolo, tosi toyebi ndenge mango mazali koleka. Mabaku ebele. Nakoyimayima ya batu pasi eye, e pasi tango ekoya tobandi kosala makambo oyo solo ekoki te. Pona nini? Pona pasi. Yango wana baninga ya Namibie oyo bobundelaki bitumba na mabondeli na bino bazui indépendance… Malamu nde bakende kokutana bolamu, kasi soki bolamu bozali te, conséquence ekozalaka toujours mabe. Yango wana tokanisa bango na mabondeli, solo tokanisa bango…

Donc, banda lobi la Namibie ekomi indépendante, mokonzi moza na bango kuna mutu muindu. E tango nazakoyokaka na ba radios mosusu : Oyo nde ezali dernier pays à conquérir indépendance na ye. Oh! Dernier pays? Kuna na Afrique du Sud, wana azali kuna azali muindu te! Pona nani baza kobundanaka? Kasi balobi wana nde ezali dernier pays. Donc, la Namibie lokola azui indépendance, toute l’Afrique est indépendante. Depuis quand? Wana eza likanisi lokola bato baza ko réfléchir te. Or que, soki otali kuna na Afrique du Sud, président wana est-ce que batu muindu bato bavotaka ye? Et, pourtant, ezali mokili mua batu muindu! Donc? lokola babandi kosalaka abstraction wana, ekomi na biso lisusu pasi. Pamba te, dernière décision ya mutu muindu ekozala kuna kati na Afrique du Sud. Tango wana même soki mbuta muntu Nelson Mandela asi abima na boloko, mais nakanisi ye mutu azali président te, azali pe vice-président ya Mr De Klerk te. Donc, absence ezali, il faut tobunda puete Afrique du Sud ezua libération. Soki yango ezui libération, bato muindu bakomi komi commander bango moko lokola tomoni na Namibie, décision finale! Donc, esika wana ba tata ba mama mokumba ezali na yo, esili nanu te. Mingi bazali komituna libondeli oyo tobandaki banda (19)77, kino lelo ezali kaka. Si, si, to continuer ; tango na yango soki nalobi na bino totika, c’est-à-dire soki tokomi na esika wana… Ba oyo basi bazui déjà indépendance malamu nde tozala na boyokani. Pamba te mokili moye na secousse moko yakosakana te, secousse wana répercussion nango ekozalaka bobele epayi na biso na Afrique. Epayi na biso discernement ekozalaka na yango pe mingi te ; oyo likambo ya kitoko okamati oti, likambo ya mabe osali yango mélange. Or que ekoki kosalema ndenge wana te, il faut opona likambo oyo tokoki kolanda, na oyo tokoki kolanda te. Yango wana mabondeli na biso, il faut ezala makasi.

Papa Mfumu’a nlongo yo ozali Nzambe na biso, ezali likambo moko monene. Esengeli na yo ete zala na yango na kati na motema na yo. Ezala sincère. Pamba te yo moko pe ozali Nzambe. Nzambe alobi : « Tosala mutu na lolenge na biso ». Ndenge nazakotangaka na kati na bible, namoni ete Nzambe aye kotala : « Alobi ete muana na ngai tala biloko ngai napesaka yo, biloko nioso tout ezali ya yo, ezali ya mutu mosusu te. Ngai napesi yo yango. Kasi ndenge nini obebisi boye, opesi ngai mawa pamba te ozali image… Ozali photocopie ya ngai. Ndenge oyokisi ngai soni, vraiment nazali na mawa, soni ezui ngai na miso ya moyini. Oyokisi ngai soni sikasik’awa okomona pasi ». Moto moko kaka bapesi ye mobeko moko, bakomi mibale bobele mobeko moko : nioso tout wana lia na yo kasi oyo kosimba te. Bakomi bato ebele Nzambe azali kaka na base wana, azali kaka n’esika wan’ete nioso lia na yo, kasi wana tika. Bana Israel babimi na esika na bango, Nzambe alobi : « Ndenge bozalaki kotambola tango bozalaki na Egypte, botambolaki na bino ndenge bino bolingaki. Kasi sik’awa lokola bokomi awa ; ngai nalingi ete na mboka na ngai… il faut botambola na mibeko, yango wana apesaki na Moïse ba mibeko ». Lelo tozakotambola na mibeko wana ba tata na ba mama, ezali pasi kasi ezali na yango pasi te…

Nzambe puete akomisa biso n’esika y’elaka, solo nazali kotungisa bino kasi ezali kotungisa te. Namoni ete : tokoki kozua eloko’a kitoko, ce n’est que soki to accepter ba sacrifices tozali kosalaka... Ba sacrifices ebele tozakosalaka puete tozua kobikisama pe tobikisa baninga ». Nasali nioso tout puete mutu azonga kaka esika ya eleka, e ngai nalingi mingi tozonga esika na biso. Tobebisaki solo… Tang’oyo namoni ndenge bolingo na bino ezali kosala, nde na tango muke nde tolobi na Tata : ntang’oyo tala nanu est-ce que tokoki kosenga bolimbisita ya tata Adamu na mama Eve. Soki alobi ete ntango yango ekoki, mokolo tokosala likambo yango nayebi te ! Yango wana malamu nde tomipesa.Tobunda etumba ezali likambo moko munene, bato bakoyeba yango tina te ! D’ailleurs, soki bamoni yango bakomona biso lokola bato ya liboma, pourtant tozali na liboma te. Tika tosengela bango bolimbisi, ata ndele bato bakopesa biso kaka raison. Yango wana nde namonaki malamu nde botanga kaka esika wana (Zacharie 8 :23 ), ngai napesaki bino mokolo mua eyenga wana tozalaki na centre.

Tango wana ekozala lokola ndoto. Bomoni ndenge ba musiciens balati, mutu oyo amonaka bango : e bino boza kokende wapi ? Biso ba kimbanguistes! Akangami na yo. Kasi tika ngai nakende ! Akangami na yo : il faut tokende na yo, pamba te nayoki sango kitoko nde epayi na bino Nzambe akozalaka. Mais soki omibongisi te, oke komema ye esika mosusu, esik’oyo abandi komonela doute ekomi na yo pasi. Pamba te ndenge asi akangami na yo, oke kolakisi ye esika wana yo moko olonguaki, babomi yo pamba te olingi kozongisa ye sima. Okamati uniforme ya kitoko olati, mais au lieu de refléter la réalité na uniforme yo olati, obongisi na yo ndenge mosusu. Banda tango wana nakanisi na yo na ye boyokani ekozala lisusu te. Yango wana ba soirée tozali kobundaka nango ezali na ngai nécessaire, ezali na biso indispensable. Tozali ko rechercher likambo ya kitoko oyo Nzambe abongiselaki biso tozua yango.

Sik’oyo bozali kosala ba sacrifices bozali komona pasi. Même lelo ndenge nazali koloba na papa représentant de la ville tokozala kuna na centre, soki toza na centre kuna bobosani soirée ngai nakosepela te. Pamba te ngai nalingi na ngai te tozala absent, tina ezali. Tozali ko avancer, ngai nalingi nde to accélérer. Ngai nalingi nde topelisa moto, moto na biso ekufa te ; puete bato wana baza na pasi bazua kobikisama. Makambo ebele bozali komonaka na ba soirée … Omoni likambo olobi na ngai yango, ngai pe navuandi na ngai, naloba na yo likambo te. Et, pourtant, soki makambo mazali komonana elakisi ete Nzambe apesi biso « espérance », yango wana nde olati vert. Asengi nde ozala na pureté du cœur puete tozua manso maza na biso mposa. Soki pe bosengi na ngai nakanga soirée ( ), nakanga kaka! Teeeeeeeee! Tokanga soirée ( )? Teeeeeeee! Bolembi nanu te! Teeeeee!
Ezali likambo moko kitoko ekosepelisa bino ata ndele. Lel’oyo moyen te! Papa pe azalaka na makambo, Papa kotungisa bato boye. Ndenge nini boye! Tokovanda lisusu na ba ndaku te! Bongisa esika na yo. Tokoloba yango: « Esika wana olingi nde okueyela, malamu nde olongola ba nzube; pamba te soki olongoli yango te okozoka pota ». Yango wana tobongisa. Ozakoluka bolamu ya ngai Mfumu’a nlongo te, ou bien ya yo mutu ozali kosala musala, ozali kobongisela mokili mobimbo. Mutu muindu alongua wapi ?

Ba Guitaristes bokoyemba NZEMBO nini? …. Boyemba « NKANDA NDOMBE ».

Eza kaka nzembo. Kasi soki bokanisi nde ezali bobele nzembo, likambo moko ezali na kati te ; wana nde tobosani. Ye atika likolo na ye ayakolanda yo, atika ndako na ye… Soki tomoni mokonzi aye awa atiki ndako na ye, aye kolanda bino puete azala na bino elongo, nakanisi tokomona solo likambo kaka eye na ye. Ndenge nini wana atika ndako kitoko boye, ayakovanda esika na biso bato ya pamba pamba? C’est-à-dire esika wana Nzambe akosaka na ye te. « Nzaza Noa ya suekua ntama, wunu vutudi yo ». Likambo yango elobi nini? Otali ! Mais puete toyeba tina pasi, kasi yango ezali kaka partie remise. Tokoyeba yango kaka muke muke tozali ko pénétrer, sinon il faut lelo soirée ezala. Ngai naboyi (applaudissements) pona kobotama ya Papa soirée ezala te. Au contraire, malamu nde bo renforcer pamba te, ngai nazali na besoin ya contribution na bino. Nzambe abongisi likambo na ye, Papa Simon KIMBANGU atiki esika na ye : baniokolaka ye mbula tuku misato na kati na cachot ; on dirait malfaiteur, ou azali assasin. Kasi soki atiki ndako na ye te ayakolanda bino, moyen te! Yango wana atikaki ndako na ye puete azala na yo elongo, azongisa yo na esika ya elaka. Yango wana ba soirée e continuer! Yo okendaka na centre d’accueil soki okendaka kosala nini, mais ngai soirée priorité. Toyokani? Ingeta!