*** Index du Forum ***

MALOBA YA PAPA DIANGIENDA KUNTIMA YA LE 2 AVRIL 1990.

O kombo’a Tata, Muana pe Molimo mosantu… Tangela ngai Psaumes de David 50, okozua ba nzela wana kaka kuna na sima banda 16. Donc, Psaumes de David, chapitre 50 verset 16, totanga nanu ba versets wana te na suka….

… Yango ekomami lelo te, ezali likambo ya kala, yango ezali pe kaka kati na bible oyo tokotangaka butu moyi. Ba mama ba tata, toyokaki ndenge mama selo ateyaki biso na tongo. Mateyi oyo tozali koyoka na tang’oyo tozala prudents, tobomba yango kitoko. Nzambe apesi biso tango oyo tokoki kopesa ndakisa, kasi tosala attention pamba te moyini pe à doubler vigilance na ye. Muana na ngai ya muke oyo azali na ngai kuna na ndako, oyo boyebi ya muke ; napesaka ye kombo « Tuzola Divengi Nzambi ». Bana muke bapesi ye sobriquet ya « Christelle », mais kombo na ye « Tuzola Divengi Nzambi ». Ba tata ba mama, bana ya Papa Simon KIMBANGU, tang’oyo tozali na yango ezali tango moko ya kitoko. Kasi tango’ango ezali tango moko tomona yango te … ekozalaka nango kaka boye. Ekozala na yo na ngai surprise, ekozala surprise.

Ngai nalingi Wanzungasa te pamba te nazuaki likambo na Wanzungasa. Esika mosusu nazali molakisi, nazali koteya kitoko, soki nateyi likambo ; solo bato bakosala méditation na yango, kasi nalingi Wanzungasa te. Kobosana te, nasi nalobi kitiko, nako prêcher bobele kitoko kasi nalingi Wanzungasa te. Ezali ndakisa nazakokanisa ; ou bien nalingi Nkimu te, ou bien nalingi na ngai Luntadila te, ou bien nalingi Biselengue te. Kasi esika na batu nazali koteya. Yesu alobi na biso ete : muana na ngai kosala boye te. Ndenge nini oyo ? Ngai napesi munoko na yo ezali kitoko puete obimisaka makambo na ngai, kasi yo olingi Wanzungasa te. Ndenge nini ! Allez ! zonga kuna. Tango wana ekomi na ngai pasi. Lelo nazali nzoto kolongono baye koloba na biso ete : Loba makambo na yo wana, silisa yango mbala moko.

Ndenge totangi na Psaumes esali ngai pasi, banda tongo natali likambo wana, solo tango na biso yang’oyo. Tango yakosalela Nzambe yang’oyo, et puis tokosalelaka Nzambe tango tozali awa kati na mokili. Soki natali na hôpital na bisika ndenge na ndenge, esika wana bibembe bibimi. Soki otali na bato wana mingi bazali na regrets. Baza na regrets na tina nini ? Pamba te tango tozalaki awa tozalaki komona yango lokola liseki, kasi sikasik’awa bake kokutana moyen lisusu te. Ozonga sima: mama attention ! Tala kuna ngai nakeyi, tala makambo mazali kuna… Porte wana ezalaka kuna ezalaka hermétiquement fermé. Porte wana ezali porte moko ya mindondo. Soki moto bapesi ye nzela ayakoloba, c’est-à-dire ezalaka exceptionnel. Yango wana ba tata na ba mama tozala bandimi.

Tomoni scène esali ba G.T.KI, attention ! Théâtre wana tomoni ! Nasengaki likambo moko na Papa na tongo. Solo, depuis tozongaki na Lubumbashi mokolo wana ezalaki mokolo mua poso, tokomaki awa na tongo le 2 avril (1960). Natali mokolo mua lelo le 2 avril (1990), ya solo napesaki likambo moko monene na Papa. Nakamati bino banso nati bino na molongo na biso, puete moko te aloba : Ngai nazali soustrait nazali muana ya Papa te… Papa Simon KIMBANGU aboti ngai te. C’est-à-dire nakangami na biso banso puete tomema liboke oyo, puete mokili mobimba moyeb’ete bino bozali bana ya Papa Simon KIMBANGU. Tokendaki mosika kati na mabondeli na biso. Nakobondelaka kasi oyo ya lelo elekaki ndelo. Pamba te nakanisi 30 ans. Awa natali eloko ezali te, eleki mbula tuku misato banda Tata akomaki awa. Tobandaki ndako’a Nzambe, mais pona nini arrêt ? Pona nini ndako’a Nzambe tosilisi yango te ? Or, ekokaki na mbula tuku misat’oyo, nde tosilisi ndak’oyo topesi yango cadeau… Totia makasi ndenge tomonaki babundaki na 1960 tolongaki, malamu pe tang’oyo to rédoubler makasi na biso puete tolonga mongunia. Biso tozali bana ya la paix, tolingaka mindondo esika biso tozali te.

Nalobaki yango lobi : bato bazali kotunaka, même kati na bato na biso. Soki omoni kimbanguiste atuni yo: Pona nini soirée? Wana azali kimbanguiste ya solo te. Soki oyoki ye kaka, loba : oyo akendeki kolia kuanga esika mosusu. Kuanga wana basangisi na pilipili ya makasi, bakamati mosuni ya mutu bati kuna na kati. Eh ben ! kuanga yango soki ole ekomi ndenge mosusu. Pona nini oyakotuna soirée soki yango ezali ndenge nini ? Ngai nabengi ngai nazala na soumission. Soki tosali soirée na Nkamba ezalaki na tina, ba tata na ba mama tina tomoni yango déjà. Nakanisi ekoki kosepelisa bino : soki biso nioso tozali awa tozui kobikisama ezali mabe ? Soki tozui kobikisama, est-ce que ezali mabe ? Ndenge nazakolobaka na biso totanga na Zacharie 8. Tina na ngai ezali esika wana, pamba te nalingi kopesa bino niongo te : Papa alobaki te. Zacharie 8 : 23... Attention tata Pasteur ou bien mama, selo, moteyi, mondimi ya Tata Simon KIMBANGU, Zacharie 8 : 23 …

Ba tata ba mama kimbanguistes, tobanga liwa… Mokolo oyo ekozala lokola ndoto …Ndenge ba surveillants bakozalaka, ou bien tango mosusu nakomonaka ba GTKI balati uniforme na bango, ba Dirigeants, ou bien ba Jeunes ; bazakokende na nzela. Ba nani wana ? Oyo ba kimbanguistes. Toyokaka sango ! Boyokaka sango nini ? Balobi na biso ete Nzambe akozalaka na bango soki tolandi bato wana tokobika. Otali likambo ndenge yango elimboli… Ba tata ba mama ezali na ngai kobanga, solo topesa ndakisi kitoko. Po soki tobebisi wana pasi ekozala na yo na ngai. Yo ozali kokende yo moko ou bien soki bato boni, omoni Kinshasa mobimba bakoya ko entourer yo ndenge bozali awa, bakangi yo na elamba pamba te bayoki sango ete : yo okozalaka esika wana Nzambe akozala, okende kolakisa biso… Tozali kokende tokomona polele na likambo. Manso ekomami, yango pe ekomami banda kala, biso bato tokomi yango te… Ba mama ba tata, ba kimbannguistes totambola na solo, pamba te soki tozali kotambola na lokuta, ba tata na ba mama, tozali pasi. Pasi na yo ekoleka pasi ya bato banso oyo basalelaka Nzambe liboso na yo. Pamba te yo ozali kotonga oyo eloko etikalaka na likolo.

Lucifer abuakama awa na se pamba te atosaki Elimo Santu te... Atosi Tata Nzambe pamba te Lucifer amiyebelaka ete azalaka deuxième personnalité kuna na likolo. Mokolo oyo balakisaka Nkolo Yesu, nde kenda na Muana na ngai Lucifer asilikaka asalaka réunion. Kasi réunion ye asalaki ba Angelous mosusu balobi : oh ! kasi yo pe ozali ndenge mosusu, tosa ndenge ye alingi, ye mokonzi na yo... Ake kokutana na ye, makambo oyo ye akendelaki apesi ye eyano nango. Akitisaki motema, likambo te nakomi troisième personnalité. Otali likambo ya bokonzi, yango wana ezali kosala pasi : pona nini Mawete ngai te. Kosala ndenge wana te, pona nini ye ngai te. Wana ezali problème bato tozali kokufaka mingi, pona nini ye ngai te. Lucifer tango asali rassemblement abengi ba Angelous, likambo nini ? Nakendeki epayi ya Tata, sikasik’awa Tata atindi ngai na Muana na ye. Olobi nini ? Muana na ye ? Azalaka na Muana ? Wana koloba na yo te, soki ye alobi tina alobeli yango ezali ; kende tokozela ye. Akeyi ake tokutana na Muana. Manso mazalaki na ye mposa balimbolelaki ye yango. Banda tango wana, alobi : likambo te nazali troisième personnalité ! Ngai nakanisaka soki Nzambe alongoli lokolo ezali ngai, nzoka ezali moto mosusu.

Kasi tang’oyo aye kolob’ete : Oye kotala ngai pona nini ? Ah ! boye na boye, boye na boye … Kenda na Molimo Santu azali kozela yo kuna. Papa, tango mosusu obosani: Otindi ngai na Muana ? Kenda na Elimo Santu, kenda na Muana na ngai akolakisa yo esika ye azali. Kasi Angelou azalaki kozala na libanda, pona nini ayeba te esika ye Molimo Santu azalaki ? Tang’oyo ake kosala rassemblement, rassemblement wawa ebimisi mindondo. Moto mosusu ? Ya solo, atindi ngai esika ya Molimo Mosantu, kasi naleka nani esika ya Muana na ye. Ba mosusu kende ba mosusu kokende na yo te ! Kende na yo kuna na Muana tango mosusu Tata abosanaki ! Ake na muana: Tata atindi ngai nayakokutana na yo ! Nasi nayebi malamu : atindi yo epayi na ngai te, kasi atindi yo epayi ya Molimo Santu ? Kasi aza lisusu wapi ? … Bake kolakisa ye. Ngai kuna nakende, jamais ! Nakoma mutu ya minei ? Jamais ! Eh bien sikasik’awa, kuna na likolo abengi ba Angelous nioso baye : tala nanu nake epayi ya Tata atindi ngai na Muana, nake na Muana atindi ngai na moto mosusu. Ba misusu balobi kende ba misusu, balobi kokende te osi okiti pe mingi…

Lelo oyo soki nalobi na Tata Wanzungasa oza lisusu “représentant legal, 2è suppléant” te, tango akopesa sango na ba oyo balingaka ye, est-ce que bango nioso bakopesa ye mateyi ete ndima ? Bakopesa ye mateyi ya ndenge wana ? Bakoloba na ye nini : Ah ! tika bakitisi yo lisusu, yo moto ovandi tango ebele na ye Papa. Ba misusu : ndenge alobi bongo ndima kaka. Soki papa Wanzungagsa azalaka mondimi te, kimondimi na ye ekueyi na mayi. Eza boye te ? Eza boye ! Otali Lucifer esika wana nde akueyaki. Tang’oyo ba Angelous misusu balobi kokende te, ba misusu balobi kende. Allez ! Bakabuani ! Sikasik’awa décision ya Tata Nzambe: Olingi kotosa ye te… Soki otosi ye te, otosi pe ngai te ! Te, yo tokotosa yo kasi ye wana tokotosa ye te. Olingi te, obebi na yo kaka… Yo nde ozali commandant en chef adjoint remplacé ye… Bengana ye pe aza lisusu na esika awa te. Lucifer babuaki ye na mabele esika oyo ozali, tango wana yosalamaka nanu te. C’est-à-dire soki nalobi yo ezali Tata Mfumu’a nlongo te, ezali Tata Simon KIMBANGU te, pamba te tango wana tosalami nanu te. Kasi ndenge nini lisusu bobandi koseka, donc ngai nazalaki yakosalama ? Yo moko Nzambe ! Ezali mua mikolo le 22 mars 1990, tosalaka fête ya la naissance ya Papa le 22 mars 1918. Ndenge nini wana bolobi nde ngai nasi nazalaki ? Yo moko Nzambe !

Soki ngai nazalaki yo pe ozalaki… Nzambe alobi ete tosala moko nalolenge na biso. Est-ce que yo ozalakai to ozalaki te ? Nazalaki ! Donc, tozalaki na yo elongo ? Ingeta ! Bobandi koyimayima lisusu ndenge nini… Toyebi malamu ete Papa Simon KIMBANGU abotami le 12 septembre 1887. Toyebi yango ? Ingeta, kasi abotamaki nde na nzoto… Ba tata ba mama, soki Nzambe asalaki yo na ngai, po moyini Satana tango angalaki : Bon, ye lokola abuaki biso awa na se, tomona ye awa te, atia lokolo te ; awa mokili mua biso, kuna nde ye avanda na ba oyo ya ye. Nzambe atali : kasi yo osali na yo likambo te… ata likasa ya nzete osali yango te. Sikasik’awa akamati mabele abongisi tata Adamu, abongisi mama Eva. Ba tata ba mama, makambo na yo mazali kokende, soki obosani mibeko tozali na pasi ; soki obosani bolingo tozali na pasi, tobosani misala…

Ba tata ba mama, solo tozali kokende, makambo misat’oyo ngai napesaki bino bomba yango penza kati na motema na yo, salela yango tozali kokende esika ya kitoko. Soki bolingi, soki bolingi na bino te, ngai nasi nalakisi bino ! Tolingi ! Bondimi ? Tondimi ! Bondimi bolanda ? Ingeta ! Bobanga te, liboso pasi esengo ekoyaka sima. Solo tozali komonisa bino pasi… Sikasik’awa malgré nzoto eza malamu te, kasi naza kobongisa programme ; tokeyi mosala kuna, tokeyi mosala kuna. Soki tozali kosalaka yango puete to préparer, soki tomibongisi te, tokozala na surprise moko yakosakana te. Ekozala na biso lokola ndoto ! Yango wana ba tata ba mama kimbanguistes, tolanda bobele matambi ya Tata Simon KIMBANGU ndenge asengeli na biso : bolingo, mibeko, misala. Tango na biso ya soirée ebandi kokoma, yango wana ba tata ba mama bolimbisa biso ; mokolo mua eyenga soki Nzambe alingi nde tokozala na centre d’accueil. Toyokani ? Ingeta. Ngai nakanisi nasilisi esika wana, na kombo ya Tata, Muana pe Molimo Santu, amen.