*** Index du Forum ***

Ba mama oyé ! oyéééeeeeeee
Ba mama oyé ! oyééeeeeeeeee
Ba mama oyé ! oyééeeeeeeeeee ! Soutien de l’église !

Ba mama mpe ba tata, nakanisi mokolo moye Nzambe alingaka bobele mosalema boye. Pamba te Nzambe akosalaka likambo te soki yango ezali déjà prévu te. Ndenge tosi toyokeli na makambo nioso ba mama bosi bosali, na ndenge bino botamboli na organisation na bino, tomoni nde esepelisi solo biso. Malgré tozali na maloba mingi te, mais totondi bino botondi, pe topesi bino longonia na ndenge na organisation na bino.
Mama MUILU solo azalaki muasi mais bondimi elekaki na mama, pamba te abangaki solo Nzambe. Ba mama bobanga solo Nzambe, ba tata tobanga Nzambe. Pamba te, ndenge na bizazeli ya Mama MUILU, nakanisi biso tozali ba témoins : alingaki Nzambe na ye na solo solo, na motema moko. Ata mpasi ata esengo, ye andimaki ete akobila ye ti liwa na ye … Yango wana akomi na lokumu ndenge eyokanaki na mama ateyi biso.

Mama MUILU, ndenge na basi banso oyo balekaki liboso basalelaki Nzambe, malgré bazalaki kosala musala moke moke, kasi kombo na bango ekomami na mokanda mua Tata Nzambe. Na Mama MUILU asali mosala koleka, kasi pamba te azali mutu muindu, nani akoyeba ye ? Heureusement que Nzambe alalaka te, bino bosi boyebi mama na biso. Ezali mama ya Papa Kuluntu te, ezali mama ya Papa Mfumu’a mbanza te, ezali mama na ngai te ; mais azali mama na biso banso. Ya solo, alakisaki bolingo moko yakosakana te, yango wana bino bokangami na biso et biso pe tokangami na bino. Pamba te Mama alobaki na le 12 avril 1959, kolongua na ye na kati na mokili, ndenge abengaki biso : « Ba mama tala bana na bino, bana tala ba mama na bino ». Liloba wana ndenge yango ezali biblique, tokokamata yango mbala na mbala, et esika nioso tokokendeke tokolobaka. Yango wana ba mama, soki tomonaki ete bino bokoki kozala ba mama pasteurs, ou bokoki kozala ba mama diaconesses ou bien ba catéchistes, ezali na tina.

Ya solo, tosi toyebi ndenge etangami na mokanda mua bomoyi. Adam et Eve babebisi, Nzambe Tata, Nkolo Yesu, Molimo Mosantu na bokiti na bango ; tokoyokaka te nde balobi kombo ya Muana ou bien kombo ya Molimo Mosantu, pamba te bango misato bazali moto moko. Mais toyoki Tata Nzambe akiti. Abengi Adamu : ozali wapi ? Adamu alobi : tozali awa pamba te tomimoni tozali na elamba te. Nzambe alobi : eh ndenge nini wana ? Bovuandi na ngai tango molayi, bokoyebaka te ke bokozalaka na elamba te, pe bokokimaka ngai te. Kasi lelo nini ?

Accusation ya Adamu : muasi yo opesi ngai, ye moto abebisi ngai. Muasi à son tour : kasi ezali faute na ngai te, ezali faute ya nioka, nioka nde moto akosi ngai. Banda tango wana, maloba ya Tata Nzambe epayi ya mama Eve, epayi ya nioka, epayi ya Adam, ezalaka sévère. Donc, condamnation ya Adam elonguaki na Nzambe Tata, na Nzambe Muana, na Nzambe Molimo Mosanto. Condamnation ya mama Eve elongue na Tata Nzambe, Nkolo Yesu na Molimo Mosantu. Condamnation oyo ya nioka : ye moko Tata Nzambe a prononcé yango. Ce qui veut dire bato misato oyo condamnation na bango ezali vraiment grave. Yango wana moto muindo, ba mama ba tata, bato bayebi yango tina te… Tosali ndenge nini, pasi ezali. Or que moyen ezali. Pamba te banda le 6 avril 1921, tomonaki ete Nzambe alingi biso. Etouffement tozali na yango, pona mauvais héritage oyo tozali na yango yo na ngai. Balakisi biso mayele ya mabe, mayele ya mabe wana nde ekangi biso nzela. Nde yango wana esali biso pasi. Balatisi biso molato oyo tokoki kolata yango lisusu te. Yango wana nde esali biso pasi, yango wana nde ezongisi moto muindu sima ti mokolo mua lelo.

Nazali kolobaka na bino yango : l’Afrique du Sud et la Namibie etikali moke bango nde bazua indépendance, kasi tokozala ndenge nini ? Afrique tokozala ndenge nini ? Yango wana solo topesa mabondeli makasi, et toluka nzela puete Nzambe Tata, Nkolo Yesu na Molimo Mosantu bakokisa mikano na bango, puete tosepela. Et moyen ezali : biso tosenga pardon. Ba mosusu bakomona yango tina te, yango wana bakosekaka biso, kofingama mokolo na mokolo, kotiolama. Kasi totia molende, malgré bato bayebi biso te, likambo te ! Kasi tokosenga bolimbisi, biso bato tokosenga bolimbisi, toza kosalaka préparation. Yango wana tozakolobaka ete : mama, tata, tozala na bolingo, tozala bana na mibeko, tozala bana na misala. Soki tobongisi esika wana, tolongoli ba sapatu. Tala awa na Nkamba, okomona moto alata sapatu te. Oyo sapatu ya mosuni mais tolongola sapatu ya molimo. Soki tokomi esika wana, baninga likambo te, ata ndele bato bakoyeba biso kaka. Tosekaki bato wana, or que bazalaka boye. Yango wana, ba mama na ngai, ba tata na ngai, totondi bino botondi.

Lelo le 27 avril, Nzambe akamati mbula apesi biso. Ba mama bandimi na bango, tik’ete mbula yango esukola bango. Ya solo, soki ti na kati na molimo, ngai nde nasepeli nasi nazui. Tolata molato ya kitoko oyo ekolakisa bolingo, puete tokokisa mikano mia ye. Na kombo ya Tata, Muana pe Molimo Mosantu.
Ba mama oyé ! oyeeeeeeee !
Ba mama oyé ! oyeeeeeeee !
Ba mama oyé ! oyeeeeeeeee ! Soutien de l’église.
Ba mama, bolanda bobele matambi ya Mama MUILU, mama ya bolingo, mama ya simplicité moko ya ndenge mosusu. Akosambela awa akobenga moto azali na kinshasa, moto wana pe akomeli ye. Ndenge nini wana ? Donc, solo Nzambe aza na biso, tik’ete Nzambe akumisama. Na kombo ya Tata, Muana pe Molimo Mosantu. Amen.

Libondeli ya suka ya Papa DIANGIENDA KUNTIMA.

O kombo’ a Tata, Muana pe Molimo Mosantu, Papa yo soki ongali biso bana tokokende wapi. Biso bana na yo tozali esika na yo, yo opesi biso mokumba nde tokomisa yango esika ya elaka. Ba mama solo lelo balakisi bolingo na bango esika ya yo Nzambe Tata, Nkolo Yesu pe Molimo Mosantu. Lata bango, sukola bango ndenge osukoli bango na nzoto, sukola pe milimo na bango. Tala mpasi ezali na kati na mokili, Nzambe wa biso na likolo, Nzambe wa biso wa se. Oyokaki na kobondela ya ba mama mingi baleli, rien que pona kolela pona pasi ezali kotala biso awa na kati na mokili. Soki otiki biso Papa nde tomoni pasi kasi kotika biso te. Bobandeli ezali yo et suka ezali yo. Malgré que toyokisaka yo soni, tata na biso Adamu na mama na biso Eva, bango batu muindo babebisaka. Limbisa, limbisa biso, limbisa biso. Salisa biso puete tokokisa mikano na yo. Batela ba mama, batela tata, batela bana na yo nioso tout ; puete totonga lingomba ya suka oyo ekomema likambo na kati na mokili. Kimia ezala na biso na nzoto pe na milimo na biso, kimia na kati na mokili mua biso, kimia na kati n’Afrique, kimia na Europe, America, Asie et Océanie. Pamba te esika nioso lingomba na yo esi ekoti. Tik’ete okumisama ndenge ekosalemaka na b’angelous na ba santu na yo na likolo. O kombo’ a Tata, Muana pe Molimo Mosantu. Amen.