*** Index du Forum ***

Kimbanguistes oyéé e ! Kimbanguistes oyéee ! Kimbanguistes oyéee !

Lelo nayebi te makanisi ezali na mitema na bino pona mokolo ya lelo. Lelo ezali le 6 avril. Mokol’oyo ezali journée na biso moko. Biso banso, biso ba kimbanguistes nioso toyeba ke mokol’oyo ezali mokolo Nzambe akanisaki biso. Yanga wana atindelaki biso Papa Simon KIMBANGU, po aya kolongola biso na pasi. Mikolo nioso pe mbula nioso tolembaka te pona koteya bino. Lelo ngai natelemi awa pona koteya bino te, pamba te tosi tozui mateyi mingi.

Papa Simon KIMBANGU asalaki mosala na ye na esengo, po ayebaki ke tôt ou tard malgré pasi, mosala na ye ekokumisama na mokili. Papa Simon KIMBANGU akimaki mosala. Soki totangi na mokanda mua Nzambe, toyebi ke muana na Nzambe tango pasi eyelaki ye, asengaki na Tata Nzambe alongola ye na pasi. Alingaki esalema na ndenge ya bolingo ya Tata Nzambe.
Ngai nazalaki kovanda tango nioso na Tata Simon KIMBANGU, pe tozalaki kozala na ye biso banso. Nazalaki kotikala te, à tel point que mama Muilu akanisaki ke ngai nalingaka ye te. Nazalaki kolinga ye ndenge muana akolingaka mama na ye. Likamb’oyo ezalaki kotinda ngai nazalaka tango nioso pembeni ya tata, nazalaki koyeba yango te.

Le 6 avril 1921 ezalaki mokolo ya makambo. Na butu ya le 5 avril 1921, tango tolalaki na ndako, toyoki Papa Simon KIMBANGU azali koloba na moto moko azali invisible, c’est-à-dire Tata Nzambe ayaki kotinda ye pona abanda mosala na ye. Depuis longtemps, toyebaki ke Tata Nzambe aponaki ye po asala mosala na ye. Kasi Tata Simon KIMBANGU azalaki koloba ke ye azangi mayele na mbongo. Apesa mosala yango na bato bazali na mayele pe mbongo ebele. Mais, lokola ezalaki bolingo ya Tata Nzambe, Nzambe alingaki kaka ye asala mosala na ye. Pona koboya mosala oyo Nzambe apesaki ye, Tata Simon KIMBANGU akimaki na Kinshasa (Léopoldville) pona kosala mosala mosusu. Mais, makambo ya pasi oyo ezuaki ye na Kinshasa etindaki ye azonga na village.

Tango azongaki na village asangisaki ba vieux nioso pona koyebisa bango likambo oyo: Nzambe aponi ye asala na ye. Ba vieux nioso ya mboka bandimaki, pe batindaki ya asala mosala ndenge Tata Nzambe atindaki ye. Tata Simon KIMBANGU alobaki na bango makambo ya pasi oyo ekoya na mboka soki ye abandi mosala. Malgré cela, ba vieux bandimaki ke bamona pasi pona kaka, Papa Simon KIMBANGU asala mosala oyo Nzambe apesi ye.

Le 6 avril 1921, tozuaki nzela ngai na Tata pona kokende na wenze. Tango tokomi na Ngombe Kinsuka, mama moko azalaki kobela makasi. Bongo ba ndeko na ye bazalaki kolela na libanda. Tango tokomi, Tango atuni bango, bazongiseli ye ke : ndeko na bango azali maladi alingi kokufa. Tata Simon KIMBANGU akotaki na ndeko esika mama yango alalaki pe atunaki ye : esika nini ozali komona pasi ? Mais, mama yango azalaki koloba te, pamba te azalaki vraiment à l’agonie.

Après Tata Simon KIMBANGU alobaki na bango ke akosenga na Nzambe po abikisa mama yango. Asambelaki na Kombo ya Nkolo Yesu klisto. Pe mama yango atelemaki. Bato bakamuaki pe babandaki kosepela ndenge ndeko na bango abiki. Tango tosili kobikisa mama wana, tokendaki na zando biso na Tata. Bongo mama wana na sima esika atikalaki, toyebi te soki eloko nini ezuaki ye asiliki. Alobi : il faut abundisa Papa Simon KIMBANGU, pamba te ye azali ndoki. Ndenge nini kaka ye moto aye kobikisa maladie na ye ? Etant donné que ba nganga ebele bayaki kosalisa ye bakokaki maladie yango te, Alobi ke Papa Simon KIMBANGU azali responsable ya maladie, donc ndoki.

Tango tozongi na zando, tokomi na Ngombe Kinsuka, mama wana aye pona kobundisa Papa Simon KIMBANGU. Akangi ye na nzoto pe alobi : Tata Simon KIMBANGU azali ndoki, ye moto alokaki ye. Les avis étaient partagés dans la famille. Les uns étaient pour la femme, les autres pour Papa Simon KIMBANGU.

Tango ngai namonaki ke deux camps opposés esalami, nalobaki na Papa Simon KIMBANGU : tokende na biso na Nkamba. Mais Papa alingaki te pe alobaki na ngai qu’il faut à convaincre bato nioso ya mboka wana ke, ye azali responsable ya maladie ya mama wana te ; et que Tata Nzambe moto atindaki ye aya kobikisa mama wana. Bakonzi ya mboka bayaki esika yango pona kokata likambo entre Papa Simon KIMBANGU na mama wana. Tango Papa Simon KIMBANGU a expliqué ba mfumu buala ndenge asalisaki mama wana, bakonzi ya mboka bapesaki ye raison. Pe bango batikalaki na ngombe Kinsuka koteya bato na bango ya mboka, na tina ya mosala ya Tata Simon KIMBANGU.

Ba tata pe ba mama, makambo ya Nzambe etali kaka Nzambe ye moko. Tango tokomi na Nkamba, mama Muilu atuni Papa Simon KIMBANGU bilok’oyo ye akendeki kosomba na zando. Kasi Papa azongiselaki ye ke akendeki na zando te, mais na Ngombe Kinsuka esika Tata Nzambe atindaki ye po akende kobikisa mama moko azalaki na maladie kuna. Yango wana bozalaki koyoka makelele na butu. Makambo ezali ebele ya koloba. Mais natelemi awa pona kopesa bino histoire ya Tata Simon KIMBANGU te. Eloko nakosenga na bino bozala na limemia.

Papa Simon KIMBANGU amonaki pasi po biso tobikisama pe tosepela. Soki mama Mikala azali awa, nde nalingaki kopesa ye micro aloba na bino. Mais, dommage ke akendeki Nkamba. Papa Simon KIMBANGU ayebisaki ye ke mosala na ye ekozala ya pasi. Bato ya maladie ya ndenge na ndenge asalisaka bango, mais basusu bazalaki kokende kofunda ye na ba missionnaires pe na bakonzi ya l’Etat : ke Papa Simon KIMBANU azali kotinda bato bafuta impôt te. Balobaki makambo ya ndenge na ndenge ya lokuta pona bakanga Papa Simon KIMBANGU. A tel point que bakendeki kofunda ye na Mbanza Ngungu (Thysville) epayi ya administrateur, mais administrateur azalaki kondima makambo na bango ya lokuta te, pamba te azalaki na ba preuves te oyo ezali kotinda ye akanga Papa Simon KIMBANGU.

Ba nguna bayiki ti na Kinshasa (Léopoldville) epayi ya gouverneur pona kofunda administrateur, pamba te ye alingaki kokanga Papa Simon KIMBANGU te. Balobi na gouverneur ke administrateur ya Mbanza Ngungu azali incompétent. Bafundaki Papa Simon KIMBANGU epayi ya gouverneur ke azali révolutionnaire, pe azali kotinda bato ya mboka baboma mindele pe bafuta mpaku te. Tango gouverneur ayokaki ndenge wana, atindaki administrateur ya Boma po aya kosala enquête na Nkamba, pona ko vérifier soki ba accusations basali po na Papa Simon KIMBANGU ezali ya solo.

Tango Mr Morel ayaki na Nkamba, amonaki Papa Simon KIMBANGU azali kosalisa bato ya maladies pe koteya liloba ya Nzambe. Mr Morel atunaki bato ya mboka soki Pap a Simon KIMBANGU atindaka bato bafuta mpaku te ? Ba réponses azuaki ezalaki ya malamu ya tina na mosala ya Tata Simon KIMBANGU. Tango azongaki na Mbanza Ngungu, asalaki rapport na ye ya malamu na tina ya mosala ya Papa Simon KIMBANGU.

Mais, ba missionnaires bayaki kofunda administrateur epayi ya gouverneur ke azali incompétent, parce que azali kotika Papa Simon KIMBANGU oyo azali kobengisa bato bazali kowuta na Angola, na Mayombe pona basala mobulu. Eyokaki ye bongo, gouverneur atindaki message epayi ya Mr Morel akende na Nkamba na ba soldats po bakanga Papa Simon KIMBANGU elongo na ba témoins na ye nioso, pamba te Papa Simon KIMBANGU azali na folie pe azali kosala makamb’oyo ya bato ya fou. Bakanga pe batinda ye na Boma.

Ba tata na ba mama, makambo ezali mingi. Tango toyoki sango ke mundele na ba soda bazali koya kokanga biso, na mbala moko to pumbue biso na Papa Simon KIMBANGU jusqu’à Mbanza Nsanda pe tovandaki kuna mikolo ebele. Mondele na ba soda bapanzanaki partout pona koluka biso. Mais, lokola tango yakokanga Papa Simon KIMBANGU ekokaki te, moyen pe bamona biso ezalaki te.
Tango tozalaki na Mbanza Nsanda, ba mindele na ba soda bazalaki koleka à quelques mètres esika tozalaki, mais Nzambe abomaki bango miso. Bazalaki komona biso te parce que ezalaki tango ya bokangami ya Papa Simon KIMBANGU te, ndenge bayokanaki na Nzambe na ye. Na sima ya mikolo mike, Papa Simon KIMBANGU ayebisi bato ya Mbanza Nsanda ke azali kozonga na Nkamba, po tango ya bokangami na ye ekoki. Bato balelaki mingi pe bapekisaki ye akende Nkamba te, mais alobaki na bango ete ezali mokano ya Nzambe.

Yango wana, tata na mama, makambo ezali mingi pona koloba na biso. Tango tokomi na Nkamba, Mr Stoul agent territorial na ba soda na ye bakangaki biso pe bakotisaki biso na tente. Papa Simon KIMBANGU azalaki ligoté nzoto mobimba pe ngai batiaki ngai menottes. Ba soda batelamaki liboso ya tente pona ko empêcher biso tobima. Après tango moke, Papa Simon KIMBANGU alobi na Mr Stoul que ye akokende na bango nzela moko. Mais asengi na ye batika ngai pamba te nazali na mosala yakosala.

Tango Mr Stoul ayokaki ndenge wana, atindaki ba soda babeta Papa Simon KIMBANGU ba chicottes. Tango kaka basilisi, Papa Simon KIMBANGU atali lkolo pe asambeli. Na mbala moko, ba singa nioso oyo bakangaki ye ekueyi na mabele pe alongoli menottes na ngai. Akamati ngai na maboko pe tobimi na tente, ba soda bazali totala biso lokola ba zoba. Tango tokomi esika soda ya suka azalaki, Papa Simon KIMBANGU atelemaki pe atali soda yango na miso; mais soda azali komona te. Amemaki ngai na place moko pe alobi na ngai ke nakende esika moko, nakomona nzete (nkawa lulendo) oyo babotolaki ye pe nazua yango. Bongo tango nakozonga na Nkamba nasalisa bato ya maladies. Namoni mbala moko abuaki ngai lokola libanga jusqu’à Ngomba Kinsuka.

Tango azongi na tente, na mbala moko, ba soda balamuki na pongi pe batuni ye soki ngai nakeyi wapi. Papa Simon KIMBANGU alobi awuti kotika ngai; Mondele, Mr Stoul, abangaki pe alobaki na ba soda na ye bakanga tente pe bakende na Mbanza Ngungu, pamba te Papa Simon KIMBANGU alingi abanda kosala ba miracles na ye. Na tongo na Nkamba, bato ya maladies bayaki ebele pe ngai nasalisaki bango ndenge Papa SimonKIMBANGU alobaki na ngai. Mama azalaki te, ye akendeki mboka mosusu.

Ba tata na ba mama, pasi oyo Papa Simon KIMBANGU amonaki ezalaki pona biso. Babetaki ye ba chicottes en plein soleil likolo na biso. Kasi Nzambe azalaki na ye pembeni. Yango biso totikali lelo to bénéficier na tina ya pasi oyo Papa Simon KIMBANGU amonaki. Tozala ba hypocrites te, tokozua récompense soki tolandi Papa Simon KIMBANGU na solo. Makambo nioso oyo ezali kosalema sik’oyo ezali prophéties oyo alobaka. Alobaki na biso ke pasi ya ndenge na ndenge ekoya : bitumba, maladies… Papa Simon KIMBANGU akosenga na biso tozala lisanga moko, tolongola orgueil, tobongisa comportement na biso, puete bato banso bayeba ke tozali penza bana na Papa Simon KIMBANGU.

Ba tata na ba mama, tovanda malamu. Tosala mosala na biso, totosa pe toyokela ba responsables na biso : ezala pasteurs, diacres… na manso bakotinda biso. Wana nde tokozala malamu.

Nasilisi boye na Kombo ya Tata, muana pe Molimo mosanto.