|
|
|
|
|
|
|
Messages
et prières de chefs Spirituels
07.04.2014,
Nkamba Message
de S.E. Simon Kimbangu Kiangani
Na kombo ya Tata, Muana pe Tata Molimo
Santu,
Tolandaki mateyi na biso;
Tozui bandimi ya sika,
Na biso bandimi ya kala, na ya sika, totika mabe;
Tosala malamu, tobanga masumu ndenge tata "De la Ville"
(1) alobi.
Tang'oyo tozali, tango ya ndenge mosusu.
Tomoni ke mokili eza ya koningana.
Likambo ya Tata Nzambe, eza koluka nzela.
Ndenge na likambo ya Tata Nzambe eza koluka nzela, sikawa biso
bandimi tozala makasi.
Po ete na ba programmes na biso, oyo ba Tata batikela biso,
tosala makasi tolonga.
Le 6 avril toyaki.
Avant toya, tozalaki na programme munene ya kosala misala ya
nsinsani, na programme munene ya musée.
Tomati, ezo senga nde volonté puete musala oyo ewumela
te.
Tokotaki na mobu ya centenaire na 2014.
Na 1914, ezalaka bitumba.
Mbotama ya Papa KISOLOKELE, guerre ebandi.
Na 1918 guerre esilaka.
Eh lelo oyo, centenaire ya Papa KULUTU, année mobimba.
Ndenge toza na kati, année oyo ya Papa KISOLOKELE tomoni
oyo tomoni. Ba professeurs basali ya bango likambo. Oyo elobamaka
kala kala na Papa Mfumua Longo, DIANGIENDA KUNTIMA ke bati ya
mayele bakoya kolobela likambo ya TATA. Na Conference Intenationale
ba professeurs nionso ya 5 continent bayaka balobaka likambo
ya TATA Simon KIMBANGU. Lelo ekomami na buku mibale ya minene.
Tolandaki bino bien.
Sikoyo biso nde tokosala musée. Makambo oyo ya 1921 ti
tango oyo toza nango, nionso ekozala na kati na musée.
Likambu nionso na 1921 bokangama na ye, kufa na ye na 1951.
Toza na mikanda mingi. Oyo l'Etat Belge akomaka pona ye moko
Tata Simon KIMBANGU, na ba PAPAS, na makambu nionso esalamaka,
toza na yango ebele. Ekota na musée.
Maloba ya Tata na biso, misala na bango, biloko nionso bango
basalelaka ekozala na musée. Ndenge naza koloba tango
nionso ke tonneau wana babuakelaka ye na mayi ezali, chaine
wana bakangelaki ye ezali. Munduki oyo ba tiraka ye ezali. Presque
biloko nionso toza nango. Elakisi ke mokili tangu bakoya kotala
likambu ya Tata Simon KIMBANGU mutu akotia lisusu tembe akozala
te ! Bayaka na bango, tolakisaka bango awa nde aza kopesa mapamboli,
awa ndaku na ye, kuna nde asalaki miracle, kandia bola asalaki
boye, na Tadi asalaki boye. Bien sur, kasi oyo mususu ezangi
? Po buku oyo balakisaki lobi ekokende mokili mobimba bakotanga
yango. Ekobenda batu bakoya ebele, batu ya mayele mususu. Sikawa
musee il faut ye moko akoti atali, tembe ekozala lisusu te.
Oyo ekozala ke, ah bino bopesi biso sango na retard. Biso moko
kolo eloko tozomona yango en l'air te. Mais mingi na RDC, Congo
Brazza na Angola kososola ke toza na likambo monene. Oyo ya
nzinga nzinga baza komona kaka ah ba kimbanguistes bazali kosala
fete na bango, ba kimbanguistes bazali kosala nsinsani na bango.mingi
pe na kati na lingomba toyaka kosambela, osambeli ozongi na
yo. Mingi tina ya likambo bayebi te. Nzambe abongisela biso
likambo munene. Kowelela kaka independance tozua yango na RDC,
mingi bakomaka. Maitre Croquet, mundele, avocat ya liboso awelelaka
likambu ya Tata Simon KIMBANGU. Ba PAPAS nini basali te ? Est
ce que batu nionso bayebi likambu wana ? Te ! Tokobanda koyeba
yango muke muke nini ezalaka et nini ezali.
Mingi bakomi na bango,mais oyo tosali sikoyo eza likambo ya
suka. Pe na ba professeurs wana tozo continuer na bango, nanu
tosilisi te. C'est vrai, tangu ya crise toza na mbongo te, mais
tozo mona pasi eza na mokili. Mokili eza na pasi biso baye tosambelaka
bino nde tokotia kimia. Biso baye toyebi Nzambe biso baye tokotia
kimia na mokili mobimba.
Yo otangami ozali mondimi, na oyo programme nzambe azali kopesa
biso tolemba te.
Nzambe alingi akata likambo na ye. Pasi eleki. Mingi pe ba innocents
bayebi likambo te baza kokufa, bazali komona pasi. Batu wana
nde bango bakoya koniokola biso. Na ndnege nini ? Likambo ye
akufela ayebi yango te, akeyi kaka. Tangu ekozala ke Nzambe
alingi akata likambo na ye, batu wana tangu bakoya, misu ya
pamba ozali te !
Mukolo wana nalobaki likambu, ezalaki lobi, Nkoloo yesu ye wana
na ekuluzu na ba miyibi mibale, moko nde azali mabe, alobaki
mabe pona Nkolo Yesu, mais moko alobaki likambu ya malamu. Nkolo
Yesu atali ye alobi kaka lelo ekoleka te. Oyo asalaka bolamu
Nzambe abosanaka ye te ! Na tangu ya Tata simon KIMBANGU batu
mingi basalaki ye mabe batu mingi pe basalaki ye malamu. Mais
mabe kaka moko nde nakolakisa : Tata KIMBANGU ake na Kinshasa,
bazui na compagnie mbila, nde baza kofuta ye te ! Baninga na
ye basalisi ye asala commerce esimbi te. Balobi kaka malamu
ozonga na mboka. Asombi ba nzombo na ye pona bana, na nzela
babotoli yango na Kasangulu. Punition nini mutu wana azuaki
? Biloko nionso akolia nzombo na nzombo, goût mususu te
kaka yango wana. Pona Nzambe alakisaki mabe, ayibi ye biloko
na ye. Biso na biso peut etre c'est bien, mais na Nzambe etumbu
ya libela. Alors alukakai moyen nionso akufa. Atie, akangi singa
na nzete atie pe na kingo po akufa na ye, mais akufaka te. Okomona
akufi, l'heure akokueya na se, bien mutu amoni ye, alamuki na
ye. Liwa eza koya te ! Soki na 1963/1964 soki nabosani te, akendaki
na Monkoto epayi ya Papa asengi bolimbisi. Sima ya mikolo nde
akendaki na ye. Mais entre temps, ba mbula nionso tout ye avandaki
pasi na pasi. Et surtout soki osaleli Nzambe na yo mabe, ekozala
ndenge nini soki otiki mokili oyo ?
Koniokola batu eza pe lisumu. Motioli, mutu ya lolendo, oyo
afingaka, esika na bango ezali te ! Alors mokili ezali komona
pasi, biso faut tosambela. Lelo toyambi batu Nzambe asepeli.
Ndenge Papa Mfumua Longo azalaki koloba lelo kaka soki bayambi
yo okomi mondimi, okufi directement okoti likolo.directement
!
Ndenge Tata De La Ville alobi ezali te tango nionso totubelaka,
totubelaka, tosalaka ba mbeba, te, esengeli te ! Tosilisa mbala
moko Nzambe alingi akata mokano na ye. Tolingi na 2016 tofongola
musée wana. Ba papas pasteurs, tobengami ba responsabletozo
diriger fete ya Mama MUILU ekoya na bapaya mingi. Topesa ba
mamas maboko na ba programmes bakozala nango mikolo oyo etikali
tosalisa ba mamas. Ba paya oyo bakoya, oyo baye tango ya le
6 te bakoya le 27, ba mususu bakoya le 8 juillet. Na ba programmes
nionso tozala bien tango nionso ke ba fetes na biso ekomi pembeni
tosalaka makasi, likambo ezali.
Ndenge nga nalobaki, biso tokoloba lisusu te, oyo bazoya kotala
biso nde makambo eza epayi na bango. Lobi toyokaki ba temoignages
ya ndnege na ndenge, maloba ya ndnege na ndenge. Batu ya mayele
baye, biso nionso tomoni bango, tobetelaki bango maboko po nanu
tomona te mutu ya mayele aya ko temoigner likambu ya Tata Simon
KIMBANGU, basala buku ya monene pona Tata Simon KIMBANGU. Kasi
tolobaki bien, Tata Mfumua Longo alobaka yango avant likambo
Nzambe alobi, ata ewumeli ekosala ekoleka te. Si toyoka makambu
mingi ba Tata basi balobi tokomi komona yango.
Ba mbuta tosepeli mingi, toye mingi malgré pasi kasi
Tata asalisi biso. Na ba fete ya boye, oyo ezali ke le 6 avril
ebandeli ya musala tozangisaka te po makambu mazali. Tolobaka
ah retard, retard, te ! Retard na biso pona botongi ya Yeluselemi,
toyebi ke toza na rtetard ya 10 ans tobunda nango esika oyo
tobimisi likambo ya musée. Makambu ya CADEKI tolobaki
nanu esalami te mais balobi tofongola ba comptes. Mais awa falais
tozala na place na biso. Mutu aza na Etats-Unis aye awa alobi
mbongo na ngayi eza boye na boye o virer kaka mbala moko. Sikoyo
moyen ezali te. Tolobela yango kasi esalemi te. Ya musée
tosala. Soki tosilisi musée eleki makambu mususu etikali
ekokende mbangu.
Pona kolalisa batu tozo tonga, muke muke toza kokende. Elakisi
ke makambu mazali. Mboka Yeluselemi toza kolakisa biso nde tokomema
sango. Kaka ba buku mibale oyo esalemi batu bakotanga bakoya
ebele. Sango esi ekeyi. Ba internet eza kosala butu moyi batu
baza kolanda biso. Oyo balekaki lobi partout mokili mobimba
si bayoki sango. Bakomi kosenga ba buku wana tokozuela yango
wapi, tokosomba wapi ? Tozali kobengama. Elakisi ke totikali
lisusu sima te, avant avant.
Tosilisi na kombo ya Tata, Muana pe Tata Molimo Santu.
Amen
Retranscription de Lydia NKODIA MUADI(2)
Responsable du Service des Nouveaux Médias RATELKI EUROPE
Paris, 04 mai 2014
Notes:
[1]Tata
"De la ville": pour désigner le Responsable
de la ville Saint, Nkamba
[2]
Ce texte a subi quelques rectificatifs du Webmaster
|
|
|
|
|
|
|
|
|
|